Qasym-Jomart Toqaev pen Túrikmenstan basshysy telefon arqyly sóılesti
20:12, 29 Maýsym 2020
NUR-SULTAN. QazAqparat - Memleket basshysy Qasym-Jomart Toqaev Túrikmenstan Prezıdenti Gýrbangýly Berdimuhamedovpen telefon arqyly sóılesti. QazAqparat bul týraly Aqordaǵa silteme jasap habarlaıdy.
Qasym-Jomart Toqaev Gýrbangýly Berdimuhamedovti 63 jasqa tolǵan týǵan kúnimen quttyqtap, baýyrlas Túrikmenstan halqynyń ıgiligi jolynda atqaryp jatqan jaýapty memlekettik qyzmetine tabys tiledi.
Áńgimelesý barysynda memleketter basshylary eki el arasyndaǵy qarym-qatynasty joǵary deńgeıde nyǵaıta berýge beıildi ekenin naqtylady. Sonymen qatar strategııalyq seriktestikti damytýǵa, ásirese, saýda-ekonomıka salasyndaǵy yntymaqtastyqty arttyrýǵa ońtaıly jaǵdaı jasalǵanyn atap ótti.
Qasym-Jomart Toqaev Gýrbangýly Berdimuhamedovke Qazaqstannyń Tuńǵysh Prezıdenti – Elbasy Nursultan Nazarbaevqa qoldaý kórsetip, jedelhat joldaǵany úshin rızashylyq bildirdi.