Qasym-Jomart Toqaev Parlamenttiń altynshy sessııasyn ashty

NUR-SULTAN. QazAqparat – QR Prezıdenti Qasym-Jomart Toqaev altynshy shaqyrylymdaǵy Parlamenttiń 6-shy sessııasyn ashyq dep jarııalady, dep habarlaıdy QazAqparat tilshisi.

«QR Konstıtýtsııasynyń 59-babyna sáıkes, 6-shy shaqyrylymdaǵy Parlamenttiń 6-shy sessııasyn ashyq dep jarııalaımyn», - dedi QR Prezıdenti.

Memleket basshysy Qazaqstan halqyna jyl saıynǵy dástúrli Joldaýyn jarııalaıtyn búgingi jıynǵa Májilistiń 107 depýtatynyń 98-i jáne Senattyń 49 depýtatynyń 44-i qatysyp otyr. Palata otyrysyna depýtattyq korpýstan bólek, QR Premer-Mınıstri Asqar Mamın bastaǵan Úkimet músheleri tolyq quramda qatysýda. Sonymen qatar, Konstıtýtsııalyq Keńes pen QR Joǵarǵy sotynyń tóraǵalary men músheleri, QR Prezıdentine tikeleı esep beretin jáne baǵynatyn organ basshylary, ulttyq kompanııalar men memlekettik uıymdar basshylary da otyrysqa kelgen.