Qasym-Jomart Toqaev Parlament aldyndaǵy mańyzdy eki mindetti atady
«Qurmetti depýtattar! Usynylǵan bastamalar qazir kún tártibinde turǵan uzaqmerzimdi áleýmettik-ekonomıkalyq, saıası reformalardyń bir bóligi ǵana. Onyń kóptegen baǵyty boıynsha qajetti zań jobalary talqylanyp jatyr. Depýtattar bul jumysqa belsene qatysyp, Úkimetpen syndarly qarym-qatynas ornatýy qajet dep sanaımyn. Meniń negizgi ustanymym - qoǵamdaǵy barlyq ózekti máseleler eń aldymen Parlamentte talqylanýǵa tıis», - dedi Memleket basshysy.
QR Prezıdenti qoǵam ókilderi men sarapshylar zań jobalaryn daıyndaý isine barynsha atsalysýy kerektigin basa aıtty.
«Azamattardyń narazylyǵyn týǵyzýy múmkin daýly máseleler boıynsha tıimdi keri baılanys ornatý - basty talaptyń biri. Parlamenttiń aldynda mańyzdy eki mindet tur. Bul - sapaly zańdar qabyldaý jáne ózekti máselelerdiń sheshimin tabatyn ortalyqqa aınalý. Jalpy elimizdiń zańnama júıesin keshendi túrde jetildirý kerek», - dedi Qasym-Jomart Toqaev.