Qasym-Jomart Toqaev óńirlerde kókónis saqtaıtyn qoımalar salýdy tapsyrdy

NUR-SULTAN. QazAqparat – Memleket basshysy Qasym-Jomart Toqaev Úkimet pen ákimdikterge kókónis ónimderin saqtaıtyn qoımalar salý jáne jańǵyrtý josparyn ázirleýdi tapsyrdy, dep habarlaıdy QazAqparat tilshisi.

«Tek alty óńirde ǵana kókónis ónimderin saqtaý qýaty jetkilikti, olar – Atyraý, Jambyl, Qaraǵandy, Qostanaı, Pavlodar jáne Soltústik Qazaqstan oblystary. Aqtóbe oblysynda – 79%, BQO – da-56%, ShQO-da – 50%-dan astam saqtaý oryndary uzaqmerzimdi saqtaýdyń zamanaýı ınfraqurylymymen qamtamasyz etilmegen», - dep atap ótti Prezıdent Úkimettiń keńeıtilgen otyrysynda.

Memleket basshysy bul máseleni júıeli túrde sheshý qajettigin atap ótti.

«Bul máseleni júıeli túrde sheshý kerek. Úkimetke ákimdermen birlesip, kókónis qoımalaryn salý jáne jańǵyrtý josparyn ázirleý tapsyrylady. Bizdiń kóptegen qoldaý baǵdarlamalarymyzdan qarajattyń bir bóligin dál osy maqsattarǵa jumsańyzdar», - dep atap ótti Qasym-Jomart Toqaev.