Qasym-Jomart Toqaev mamandar tapshylyǵyn jedel sheshýdi tapsyrdy

NUR-SULTAN. QazAqparat – Muǵalim men dáriger kadrlary tapshylyǵyn jedel sheshý qajet. Bul týraly Ulttyq qoǵamdyq senim keńesiniń 5-otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Taǵy bir mańyzdy mindet - pedagogıka jáne medıtsına kadrlaryn daıarlaý. Qazirdiń ózinde kóptegen óńirde osy sala mamandarynyń tapshylyǵy erekshe baıqalyp otyr. Bul óte kúrdeli másele. Ony jedel sheshýimiz kerek. Memleket osy ahýaldy túzetý úshin naqty sharalardy qolǵa aldy. Muǵalimder men dárigerlerdiń jalaqysyn kóbeıtip, áleýmettik mártebesin arttyryp jatyrmyz», - dedi Qazaqstan Prezıdenti.

Eske salsaq, Ulttyq keńestiń besinshi otyrysy ótip jatyr. Ulttyq qoǵamdyq senim keńesi quramynda rotatsııa jasaldy. Jańartylǵan Májilis quramynda Ulttyq keńestiń 9 múshesi bar. _Ótken jyly 22 qazanda QR Prezıdenti Qasym-Jomart Toqaevtyń qatysýymen Ulttyq qoǵamdyq senim keńesiniń tórtinshi otyrysy, al 2019 jyly 6 qyrkúıekte alǵashqy otyrysy boldy.