Qasym-Jomart Toqaev latyn álipbıine kóshýge qatysty pikir bildirdi
«Latyn grafıkasyndaǵy álipbıge kóshý máselesinde asyǵystyq tanytýǵa bolmaıdy. Tyńǵylyqty, tekserilgen ustanym talap etiledi. Jan-jaqty saraptaý jáne jańa álipbıdiń barlyq aspektilerin ázirleý qajet. Latyn álipbıiniń usynylǵan úsh nusqasy da jetildirilmegen bolyp shyqty. Sondyqtan bul problemada shynaıy ǵylymı ádis kerek jáne jeńildetýge bolmaıdy», - dedi Memleket basshysy.
QR Prezıdenti kırılıtsany latynǵa jaı ǵana aýystyrý tóńireginde sóz bolyp otyrmaǵandyǵyn aıtty.
«Qazaq tiline reforma, tipti qajet deseńizder tilimizdi jańǵyrtý qajet. Ǵalymdarymyzdyń salmaqty pikirlerin kútemiz. Taǵy da qaıtalap aıtamyn, biz naqty qazaq tilin reformalaımyz. Mundaı ultymyz úshin taǵdyrsheshti máselede naýqanshyldyqqa jáne jeńiltektikke jol berýge bolmaıdy», - dedi Qasym-Jomart Toqaev.