Qasym-Jomart Toqaev Qytaıdaǵy sammıtte ekologııa máselesin kóterdi

SIANЬ. QazAqparat - Qytaıda ótip jatqan birinshi «Ortalyq Azııa – Qytaı» sammıtinde QR Prezıdenti aımaqtyń ekologııalyq ahýalyna alańdaýshylyq bildirdi, dep habarlaıdy QazAqparat.

«Jetinshi, transshekaralyq sý resýrstaryn tıimdi paıdalanǵan jón.«Ortalyq Azııa elderiniń tuşy sý tapshylyǵyna ushyraý qaýpi joǵary ekeni belgili. 2050 jylǵa qaraı 5 mıllıardtan astam adam aýyz sýǵa muqtaj bolýy múmkin. Bul – Birikken Ulttar Uıymynyń deregi. Sarapshylar bizdiń aımaǵymyzdyń tez jylynyp bara jatqanyn aıtyp otyr.

Klımattyń ózgerýine baılanysty bizdiń aımaqtyń basty sý kózi sanalatyn muzdyqtar da kúrt azaıyp barady. Osy jaǵdaı Ortalyq Azııanyń azyq-túlik, energetıka jáne ekologııa qaýipsizdigine edáýir qater tóndiredi. Sondyqtan birlesip shuǵyl sharalar qabyldaýymyz qajet», - dedi Qasym-Jomart Toqaev.

Ol segizinshi másele retinde mádenıet jáne bilim salasyndaǵy yntymaqtastyqty, sondaı-aq týrızmdi damytýdy kóterdi.

»Jeke adamdardyń qarym-qatynasy memleketaralyq baılanystardy nyǵaıtýǵa septigin tıgizeri sózsiz. Qazaqstan men Qytaı azamattarynyń eki el arasynda 30 kúnge deıin vızasyz júrýine múmkindik beretin úkimetaralyq kelisimge qol qoıyldy. Bul qujat iskerlik baılanys aıasyn keńeıtip, týrıster legin arttyrýǵa yqpal etedi dep senemin.

Ortalyq Azııa elderiniń mádenıeti – baı, kórikti jerleri de – kóp. Sonyń bári qytaılyq týrıster úshin qyzyqty bolary anyq. Osy oraıda men «Jibek joly» týrıstik operatorlarynyń tizimin jasaýdy usynamyn. Toptyq týrlar úshin vızasyz rejım engizip, biryńǵaı týrıstik klaster qurý qajet. Sol kezde qytaı týrısteri bir saparda Ortalyq Azııanyń birneshe eline bara alady», - dedi Memleket basshysy.