Qasym-Jomart Toqaev kvazımemlekettik sektorǵa qatysty birqatar tapsyrma berdi
«Kvazımemlekettik sektordyń tıimdiligin arttyrý men ary qaraı ońtaılandyrýdy qamtamasyz etý kerek. Kvazımemlekettik sektordyń áleýmettik mańyzy bar kásiporyndary quramdaryna azamattyq qoǵam ókilderin engizý ıdeıasyn qoldadym. Keńes múshelerimen talqylaý qorytyndysy boıynsha qoǵam ókilderiniń osy jumysqa qatysýymen baılanysty Úkimet tıisti sheshim daıyndady. Olar kásiporyndar tizbesine, qoǵam qaıratkerleriniń mártebesine, kandıdattardy irikteý rásimine qatysty», - dedi Prezıdent.
Osy oraıda Qasym-Jomart Toqaev Úkimetke barlyq qajetti irikteý rásimderin júrgizip, 2020 jylǵy 1 naýryzǵa deıin kandıdatýralardy kelisýge engizýdi tapsyrdy.
Sonymen qatar Memleket basshysy jumys istep turǵan memlekettik kásiporyndardyń básekelestik naryqtarǵa ekonomıkalyq turǵyda tartylýyn tómendetý jumystary qajet ekenin atap ótti.
«Bul óz kezeginde memlekettik kásiporyndar qyzmetiniń ruqsat etilgen jarǵylyqty túrlerin qysqartý arqyly iske asyrylýy tıis. Úkimet tarapynan memlekettik kásiporyndar qyzmetiniń 100-den astam túrin qysqartý usynylyp otyr, bul qazirgi tizimdegilerdiń 30 paıyzǵa jýyǵy», - dedi Memleket basshysy.
Qasym-Jomart Toqaev bul baǵyttaǵy jumystardy jalǵastyrý kerektigin atap ótti. ıAǵnı tizimdi aıtarlyqtaı qysqartý kerek, ásirese, básekelestik orta eleýli túrde damyǵan iri qalalarǵa nazar aýdarý qajet.
«Úkimet 2020 jyldyń 1 sáýirine deıin osy másele boıynsha usynys engizýi kerek», - dedi Prezıdent.