Qasym-Jomart Toqaev: Kúmándi strategııalar men baǵdarlamalarǵa qarajat jumsaýǵa qaqymyz joq.
14:00, 10 Shilde 2020
NUR-SULTAN. QazAqparat - Qazaqstan Prezıdenti Qasym-Jomart Toqaev Úkimet ekonomıkany halyqqa burýy kerektigin málim etti, dep habarlaıdy QazAqparat tilshisi.
«Densaýlyq saqtaý, bilim men kómirsýtegi quramy az tehnologııalar, ǵylym men ekologııa erekshe nazardy talap etedi. Basqasha aıtqanda, biz ekonomıkany halyqqa burýymyz kerek», - dedi Qasym-Jomart Toqaev Úkimettiń keńeıtilgen otyrysynda.
Memleket basshysy osy rette qarajat tıimdi jumsalýy kerektigin eskertti.
«Kúmándi strategııalar men baǵdarlamalarǵa qarajat pen kúshti baǵyttaýǵa qaqymyz joq. Ulttyq ekonomıkanyń tıimdiligi men básekege qabilettiligin arttyrý maqsatynda qurylymdyq reformalardy qolǵa alatyn ýaqyt keldi», - dedi ol.