Qasym-Jomart Toqaev Koreıanyń Prezıdenti Mýn Chje Inge kóńil aıtty

NUR-SULTAN. QazAqparat - Qazaqstan Prezıdenti Qasym-Jomart Toqaev Koreıa Respýblıkasynyń Prezıdenti Mýn Chje Inge kóńil aıtý jedelhatyn joldady, dep habarlaıdy Aqordaǵa silteme jasap.

«Qazaqstan halqynyń jáne jeke ózimniń atymnan Sizge jáne Dýnaı ózenindegi keme apaty saldarynan jaqyndarynan aırylǵan otbasylarǵa, sondaı-aq, búkil dostas Koreıa Respýblıkasy halqyna qaıǵylaryna ortaqtasyp, kóńil aıtamyn», - delingen jedelhatta.

Qasym-Jomart Toqaev qaza tapqandardyń týystary men jaqyndaryn sabyrǵa shaqyryp, al zardap shekkenderdiń tezirek saýyǵyp ketýine tilektestik bildirdi.
Eske sala ketsek, Býdapesht qalasynyń ortalyǵynda, Dýnaı ózeninde serýendeý kemesi aýdarylyp jeti adam qaza tapty, taǵy 16 adam iz-túzsiz joǵalyp ketti. Majarstan qutqarý qyzmetiniń aqparatyna qaraǵanda, zardap shekkenderdiń kópshiligi shyǵysazııalyq elderden bolǵan, sonyń ishinde Ońtústik Koreıanyń da azamattary bar.