Qasym-Jomart Toqaev KQK-nyń úzdik qyzmetkerlerine memlekettik nagradalar tabystady

NUR-SULTAN. QazAqparat – Búgin Kaspıı qubyr konsortsıýmynyń birqatar qyzmetkeri memlekettik nagradalarmen marapattaldy. Nagradany QR Prezıdenti Qasym-Jomart Toqaev Kaspıı qubyr konsortsıýmynyń 25 jyldyǵyna arnalǵan saltanatty jıynda aıtty, dep habarlaıdy QazAqparat tilshisi.

Atap aıtqanda, «KQK-K» AQ bas dırektorynyń Qazaqstan Úkimetimen baılanys jónindegi orynbasary Qaıyrgeldi Qabyldın ІІ dárejeli «Barys» ordenimen, «KQK» AQ bas dırektory Nıkolaı Gorban І dárejeli «Barys» ordenimen, «KQK-K» AQ paıdalaný jáne tehnıkalyq qyzmet kórsetý menedjeriniń orynbasary Rafael Ýálıev «Qurmet» ordenimen marapattaldy. Sonymen qatar «KQK-K» AQ «Atyraý» munaı ótkizý stansasy bastyǵynyń orynbasary Salamat Altynsalıev ІІ dárejeli «Eńbek dańqy», al «KQK-K» AQ «Teńiz» munaı ótkizý stansasynyń bastyǵy Ońdasyn Shaqan men stansa tehnıgi Baqtybaı Aıtajanov, «KQK-K» AQ «Qurmanǵazy» munaı ótkizý stansasy bastyǵynyń orynbasary Ǵalymjan Sársenbaev ІІІ dárejeli «Eńbek dańqy» ordenderimen marapattaldy. Al «KQK-K» AQ «Atyraý» munaı ótkizý stansasynyń operatory Oleg Qarabasovqa «Eren eńbegi úshin» medali tabystaldy.