Qasym-Jomart Toqaev QHR kompanııalaryn Qazaqstanda avtomobıl klasterin qurýǵa shaqyrdy
Prezıdenttiń aıtýynsha, avtomobıl shyǵarý ónerkásibi sııaqty ǵylymdy qajet etetin salany damytýdyń bolashaǵy zor. Osy baǵytta Qazaqstan men Qytaıdyń yntymaqtastyǵy sapaly jańa deńgeıge kóterilip kele jatyr. Jeńil jáne júk kólikteriniń óndirisi qamtylyp, elektromobıl shyǵarý jobalary júzege asyryldy.
Sonymen qatar Qasym-Jomart Toqaev keshe ǵana Qytaıdyń aldyńǵy qatarly kólikterin elimizde qurastyrýdy bastaý týraly kelisimge qol qoıylǵanyn eske saldy.
Memleket basshysy Qazaqstanda elektr qýatymen zarıadtaý stantsııalarynyń tıisti ınfraqurylymy boıynsha jumystar qamtylǵanyn aıtty. Qazaqstanda lıtıı, kobalt, nıkel jáne basqa da mańyzdy elementteriniń úlken qory bar. Sondyqtan elimiz bul salada keń aýqymdy yntymaqtastyqqa daıyn.
«Qytaı kompanııalaryn Qazaqstanda iri qytaılyq brendter shyǵarylyp jatqan oblystar aýmaǵynda avtomobıl klasterlerin qurýǵa shaqyramyz. Bizdiń Úkimet yntymaqtastyqty nyǵaıtý baǵytynda tıisti jaǵdaı jasaıdy», - dedi Memleket basshysy.
Budan buryn habarlanǵandaı, Memleket basshysy Qasym-Jomart Toqaevtyń Qytaı Halyq Respýblıkasyna josparlanǵan sapary qarsańynda «Báıterek» ulttyq basqarýshy holdınginiń basshylyǵy kórshi eldegi Baodın qalasyndaǵy óndiris nysandaryn aralady.