Qasym-Jomart Toqaev qansha adam kommýnaldyq ótemaqy alatynyn jarııa etti
«Sáýir-mamyr aılarynda 1,6 mıllıonnan astam adamǵa kommýnaldyq tólem úshin kómek kórsetiledi. Azyq-túliktiń jetkilikti bolýyna jáne onyń sapasyna qatysty udaıy monıtorıng júrgizilýde. Elimizde azyq-túlik tapshylyǵy joq»,- dedi Qasym-Jomart Toqaev.
Prezıdenttiń atap ótýinshe, jergilikti bılik organdary áleýmettik mańyzy bar taýarlar baǵasyn baqylaýda ustap otyr.
«Biz indetpen kúrestiń aldyńǵy shebinde júrgen dárigerlerdi qarjylaı qoldap jatyrmyz. Densaýlyq saqtaý mınıstrligi jáne ákimder basqa da medıtsına qyzmetkerlerine kómek kórsetý úshin sharalar qabyldaýda. 1,6 mıllıonnan astam adam, 11,5 myń shaǵyn jáne orta bıznes ókili nesıelerin keıin tóleýge múmkindik aldy. Bul jalpy alǵanda 360 mıllıardtan astam teńgeni qamtıdy», - dedi Memleket basshysy.