Qasym-Jomart Toqaev ishki-syrtqy saıasatpen etene tanys - Ábilqasym Dosbolov

TÚRKІSTAN. QazAqparat - Qasym-Jomart Toqaev saıasatqa jańadan kelgen adam emes. Onyń kópjyldyq mol tájirıbesi bar ári ishki-syrtqy jaǵdaımen etene tanys. Sondyqtan, halyqtyń jańa Prezıdentten úmiti zor. Kúni keshe jańadan saılanǵan el Prezıdenti Qasym-Jomart Toqaevtyń ınaýgýratsııa rásimine qatysqan Túrkistan oblystyq máslıhatynyń depýtaty Ábilqasym Dosbolov osyndaı pikir aıtady, dep habarlaıdy QazAqparat tilshisi.

Oblystyq máslıhat depýtatynyń aıtýynsha, endigi jerde áýelsiz Qazaqstan tarıhynyń jańa kezeńi bastalady.

«Halyqaralyq qaýymdastyqqa beıbitshilik súıgish, halqynyń yntymaǵy bekem, ornyqty damý jolyna túsken memleket retinde tanylǵan Qazaq eli óziniń memlekettiligin nyǵaıtý jolynda taǵy bir úlken qadam jasady. Óz basym osynaý tarıhı oqıǵanyń tikeleı kýágeri bolǵanym úshin taǵdyryma rızamyn. Memleket basshysy sol senimdi aqtap, qazaqstandyqtardyń ómirin sapalyq turǵyda jańa deńgeıge kóteretinine senemin»,- deıdi Ábilqasym Dosbolov.

Halyq qalaýlysynyń sózinshe, Qasym-Jomart Toqaev Memleket basshysy retinde eldiń áleýmettik-ekonomıkalyq jaǵdaıyn kóterip, turmysyn jaqsartýǵa bar kúsh-jigerin salady.

«Inaýgýratsııa rásiminde sóılegen sózinde Prezıdent halyqtyń tabysyn arttyrýǵa, baspanamen qamtý, aýyz sý, sapasyz joldar sekildi problemalardy sheshýge ýáde berdi. Qasym-Jomart Toqaevtyń halyqtyń úmitin aqtap, óz ýádesin oryndaıtynyna senemin», - deıdi depýtat.