Qasym-Jomart Toqaev Irlandııa Premer-Mınıstrimen telefon arqyly sóılesti
Áńgimelesý barysynda ekijaqty yntymaqtastyqtyń aǵymdaǵy jaǵdaıy men saıası jáne saýda-ekonomıkalyq yntymaqtastyqty damytýdyń keleshegi talqylandy. Taraptar iskerlik baılanystardy kúsheıtýge jáne aýylsharýashylyǵy, joǵary tehnologııalar men ınnovatsııalar salalaryndaǵy birlesken ınvestıtsııalyq jobalardy iske asyrýǵa múddelilik bildirdi.
Qasym-Jomart Toqaev jáne Leo Varadkar halyqaralyq kún tártibindegi birqatar ózekti máseleler qozǵady, onyń ishinde, BUU jáne basqa da kópjaqty qurylymdar alańynda Qazaqstan men Irlandııanyń ózara árekettesýi jóninde pikir almasty. Atap aıtqanda, jahandyq beıbitshilik pen qaýipsizdikti turaqty damytý men ilgeriletýdi qamtamasyz etý máseleleri boıynsha syndarly dıalogty jalǵastyrýǵa daıyn ekenderin bildirdi.
Taraptar koronavırýs indetiniń taralýyna erekshe toqtaldy. Qazaqstan Prezıdenti jáne Irlandııanyń Premer-Mınıstri eki eldiń pandemııanyń keri saldaryn jeńildetý boıynsha keshendi sharalar, onyń ishinde, turǵyndardyń az qamtylǵan toptaryn qoldaý jáne daǵdarystan keıingi kezeńde iskerlik belsendilikti yntalandyrý jumystaryn joǵary baǵalady.
Telefon arqyly sóılesýge Leo Varadkar bastamashy boldy.