Qasym-Jomart Toqaev Ierýsalım qalasynyń mártebesi týraly IYU sammıtine qatysady
15:25, 12 Jeltoqsan 2017
ASTANA. QazAqparat - Ierýsalım qalasynyń mártebesi týraly IYU sammıtine Senat tóraǵasy Qasym-Jomart Toqaev qatysady. Bul týraly Joǵarǵy Palatanyń baspasóz qyzmeti habarlady.
«Taıaý Shyǵystaǵy ahýaldyń ýshyǵýyna baılanysty Túrkııa Respýblıkasynyń Prezıdenti, IYU Tóraǵasy Redjep Erdoǵannyń bastamasymen shaqyrylǵan Islam Yntymaqtastyǵy Uıymynyń tótenshe sammıtine Memleket basshysynyń tapsyrmasymen Parlament Senatynyń tóraǵasy Qasym-Jomart Toqaev qatysady» delingen habarlamada.
Sammıt 13 jeltoqsanda Ystanbulda ótedi. Sammıttiń kún tártibine «Ierýsalım qalasynyń mártebesi týraly» másele qoıylǵan.
IYU Syrtqy ister mınıstrleri keńesiniń otyrysyna QR Syrtqy ister mınıstri Qaırat Ábdirahmanov qatysady.