Qasym-Jomart Toqaev Elbasy úndeýine baılanysty málimdeme jasady
Bul týraly QR Parlamenti Senatynyń tóraǵasy Qasym-Jomart Toqaev málim etti, dep habarlaıdy QazAqparat.
«Ózderińizge málim, keshe Elbasy Nursultan Ábishuly Nazarbaev Prezıdent, Úkimet jáne Parlament arasynda ókilettikterdi qaıta bólý maqsatynda Konstıtýtsııaǵa ózgerister engizý máseleleri boıynsha Qazaqstan azamattaryna úndeýin jarııalady. Prezıdent óziniń birqatar ókilettikterin bıliktiń atqarýshy jáne zań shyǵarýshy tarmaqtaryna berý bastamasyn kóterdi. Qyzmet atqaryp júrgen Memleket basshysy quzyretin bıliktiń tarmaqtaryna óz erkimen berýi dúnıejúzindegi saıası ómirde óte sırek kezdesin qubylys», - dep toqtaldy Q. Toqaev Senattyń jalpy otyrysynda.
Onyń paıymynsha, Konstıtýtsııaǵa engizilýi kózdelip otyrǵan ózgerister Qazaqstandaǵy demokratııalyq úderisterdi jetildirý jolynda, jalpy, memleketimizdiń damýynda mańyzdy betburys bolatyny anyq.
«Bizdiń saıası júıemiz myqty Prezıdent, bedeldi Parlament, esepti Úkimet tujyrymdamasyna negizdeletin bolady. Senat depýtattary Prezıdentimizdiń úndeýin belsendi túrde halyq arasynda keń aýqymda nasıhattaıdy dep senemin»,-dep túıdi sózin Senat tóraǵasy.