Qasym-Jomart Toqaev eksporttyq jobalardyń naqty tizimin aıqyndaýdy tapsyrdy

NUR-SULTAN. QazAqparat - QR Prezıdenti Qasym-Jomart Toqaev QR Úkimeti men «Báıterek» UBH» AQ-ǵa eksporttyq jobalardyń naqty tizimin aıqyndap, olardy qarjylandyrýdy qamtamasyz etýge tapsyrdy, dep habarlaıdy QazAqparat Aqordanyń Twitter-ine silteme jasap.

«Úkimet pen «Báıterek» holdıngine eksporttyq jobalardyń naqty tizbesin aıqyndap, olardy qarjylandyrýdy qamtamasyz etýge tapsyrma beremin», - dedi Qasym-Jomart Toqaev memlekettik organdardyń, «Atameken» UKP, ulttyq kompanııalar men otandyq bıznes ókilderi qatysqan Ulttyq ınvestorlar keńesinde.

«Halyqaralyq sapa standarttaryn engizetin jáne jańa naryqtarǵa shyǵatyn kásiporyndar birinshi kezekte memlekettik qoldaýdy alýy tıis», - dedi Memleket basshysy.