Qasym-Jomart Toqaev EAEO negizgi qaǵıdattaryn atady
«Árıne, kez kelgen iste ózekti máselelermen aınalysyp qana qoımaı, keleshektegi jumysty da josparlaý qajet. Sondaı-aq, aınaladaǵy jaǵdaıdyń ózgerýine baısaldy reaktsııa bildirý kerek. Munyń bári myqty tirekke negizdelýi kerek, irgetas neǵurlym berik bolsa, ǵımarat soǵurlym myqty bolady. Bizdiń odaqtyń irgetasy nede? Odaq týraly shartty tolyq kólemde iske asyrý negizgi element boldy jáne bolyp qala beredi. Taǵy da aıta keteıin, Qazaqstan 2015 jylǵy shart negizinde ıntegratsııaǵa daıyn», - dedi Qasym-Jomart Toqaev «Kóppolıarly álemdegi eýrazııalyq ıntegratsııa» atty Eýrazııalyq ekonomıkalyq forýmda.
ıAǵnı Prezıdent esh kemsitýsiz ınfraqurylymǵa qol jetkizý, ádil báseke, teńdik jáne ulttyq múddelerdi eskerý sııaqty tórt bostandyq pen negizgi qaǵıdattardy iske asyrý – birlesken jumystyń negizgi qaǵıdattary ekenin atap kórsetti.
«Qazaqstan dál osy qaǵıdattardy ilgeriletedi. Bizdiń birlesken jumysymyzdyń bolashaǵy jaqsy dep oılaımyn. Bul máselelerdiń barlyǵy árıne, asa muqııat nazar aýdarýdy qajet etedi», - dedi Memleket basshysy.
Aıta keteıik, Qasym-Jomart Toqaev Joǵary Eýrazııalyq ekonomıkalyq keńestiń otyrysyna qatysý úshin Máskeýge bardy.