Qasym-Jomart Toqaev bıýdjetti qalyptastyrýdy qaıta qarastyrýdy tapsyrdy

NUR-SULTAN. QazAqparat - QR Prezıdenti Qasym-Jomart Toqaev bıýdjetti qalyptastyrýdaǵy qadamdardy qaıta qarastyrýdy tapsyrdy, dep habarlaıdy QazAqparat Aqordanyń baspasóz qyzmetine silteme jasaı otyryp.

Talqylaý kezinde Qazaqstan Prezıdenti Q.Toqaev qoldanystaǵy bıýdjet teńdestirilmegenin jáne qaıta formattaýdy talap etetinin atap ótti.

Osy oraıda birinshi kezekti áleýmettik quramdaýysh bóligi ósip kele jatqanyn eskere otyryp, bıýdjetti tolyqtyrý kózderin túrlendirý ári óristetý qajettigi aıtyldy.

«Ekinshiden, ol bıýdjettiń «ónimsiz shyǵyndaryna» qatysty. Qajetsiz shyǵyndar óte kóp. Biz bıýdjetke qatysty qatynasty túbegeıli ózgertýimiz kerek», - dedi Prezıdent.