Qasym-Jomart Toqaev áskerılerdiń kredıtorlyq bereshekteri týraly sóz qozǵady

NUR-SULTAN. QazAqparat - Memleket basshysy Qazaqstan Úkimetine kredıtorlyq bereshekterdi, sonyń ishinde áskerılerdiń turǵyn úı tólemderin tolyq óteý boıynsha túbegeıli sharalar qabyldaý qajet ekenin aıtty. Bul týraly QazAqparat Aqordanyń Twitter-degi paraqshasyna silteme jasaı otyryp habarlaıdy.

«Kredıtorlyq qaryz - óz aldyna bólek másele. Ásirese turǵyn úı tólemderi mańyzdy. Úkimetke ony joıý boıynsha túbegeıli sharalar qabyldaý kerek. Sóz júzinde áskerılerdi áleýmettik turǵyda qoldap jatyrmyz dep jar salyp, is júzinde mindetimizdi oryndamaýǵa jol joq», - dedi Qasym-Jomart Toqaev.

Sondaı-aq, Prezıdent QR Ulttyq ulan qyzmeti patrıottyq pen erliktiń naǵyz mektebine aınalǵanyn atady.

«Ulttyq ulan sarbazdary áskerı mindetin abyroımen ótep qana qoımaı, ómirlerin táýekelge tigip, erlik kórsetýleri sonyń dáleli», - deıdi memleket basshysy.