Qasym-Jomart Toqaev Ashyq júıesine engizýdegi kedergilerdi synady

NUR-SULTAN. QazAqparat – Kásipkerlik nysandardyń Ashyq qosymshasyna tirkelýinde bıýrokratııalyq kedergiler bar. Prezıdent Qasym-Jomart Toqaev sanıtarlyq-epıdemıologııalyq ahýal jónindegi jumys keńesinde osyndaı prolema kóterdi. Bul týraly QazAqparat tilshisi, dep habarlaıdy Aqordanyń Twitter-degi paraqshasyna silteme jasap habarlaıdy.

«Ashyq qosymshasynyń qamtý aıasyn keńeıtý, onyń fýnktsıonalyn jetildirý jáne jumysyn kúndelikti monıtorıngteý týraly umytýǵa bolmaıdy. Bul júıeniń operatory «Atameken» ulttyq kásipkerler palatasy bolǵanyna qaramastan, kásipkerlik nysandardy Ashyq-ty paıdalanýshylar tizimine qosý óte uzaq bıýrokratııalyq protsess ekeni týraly aqparattar bar», - dedi Prezıdent.

Osyǵan baılanysty Memleket basshysy Úkimetke Ashyq júıesindegi obektilerdiń tizimine qosý talaptaryn ońaılatý jaǵyna qaraı qaıta qaraý qajettigin aıtty.

«Memleket Ashyq jáne ózge de tsıfrlyq quraldardy paıdalanatyn bıznes nysandaryn qoldaýǵa tıis. Ekinshi jaǵynan, mundaı monıtorıng sharalaryn elemeıtin kásipkerlerdi qatań jazalaý kerek. Bul másele ákimderdiń erekshe baqylaýynda bolýy kerek» - dedi qasym-Jomart Toqaev.