Qasym-Jomart Toqaev Armenııa Prezıdentine koronavırýstan jyldam saýyǵyp ketýin tiledi

NUR-SULTAN. QazAqparat – Memleket basshysy Qasym-Jomart Toqaev Armenııa Prezıdenti Armen Sarkısıannyń koronavırýstan tezirek saýyǵyp ketýine tilektestik bildirdi, dep habarlaıdy QazAqparat.

«Prezıdent Armen Sarkısıannyń @Arm_President koronavırýstan jyldam aıyǵyp ketýine jáne Armenııa halqynyń ıgiligi úshin memlekettik qyzmetke qaıta oralýyna tilektespin. Bizdiń eldirimiz ben bútin álemniń belsendi kúsh-jigeri COVID-19-dy jeńýge yqpal etetinine senimdimin», - dep jazdy Q.Toqaev Twitter-degi paraqshasynda.

Armenpress aqparat agenttiginiń habarlaýynsha, A.Sarkısıan Jańa jyldy Londonda otbasymen jáne nemerelerimen birge qarsy aldy.

«3 qańtarda Londonda Prezıdent Sarkısıannyń aıaǵyna operatsııa sátti jasalǵan bolatyn. Alaıda, Prezıdentte sondaı-aq koronavırýstyń jańa túriniń belgileri kórinis bergen. Tapsyrǵan testi oń nátıje kórsetti...

Prezıdent Sarkısıan óz qyzmetin ýaqytsha qashyqtan jalǵastyrady», - dep málim etken Armenpresske Armenııa Respýblıkasy Prezıdentiniń BAQ jáne qoǵammen baılanys basqarmasynan.