Qasym-Jomart Toqaev «Ál-Vatan» Saraıyndaǵy qurmetti meımandar kitabyna jazba qaldyrdy

ABÝ-DABI. QazAqparat – Qazaqstan Prezıdenti Qasym-Jomart Toqaev Ábý-Dabıdegi «Ál-Vatan» Saraıyndaǵy qurmetti meımandar kitabyna jazba qaldyrdy, dep habarlaıdy QazAqparat tilshisi.

«Meni qurmetpen kútip alǵan Sizdiń memleketińiz ben «Ál-Vatan» saraıyna alǵysymdy bildiremin. Qazaqstan men Birikken Arab Ámirlikteriniń arasyndaǵy qarym-qatynas nyǵaıa bersin», - dep jazdy Qasym-Jomart Toqaev.

Memleket basshysy sonymen birge, BAÁ-niń tutastyǵy men baılyǵy jyldan jylǵa bekemdep, turaqty bolýyn tiledi.

Eske sala ketsek, buǵan deıin Memleket basshysy Qasym-Jomart Toqaev Birikken Arab Ámirlikterine resmı saparmen kelgeni habarlanǵan bolatyn.