Qasym-Jomart Toqaev: Aqyly joldardy engizý – durys sheshim
«Avtomobıl joldarynyń sapasy eldiń kólik áleýetin arttyrýda sheshýshi ról atqarady. Bul rette, joldardy jóndeý sapasy burynǵysynsha ádil synǵa ushyrap jatyr. Bul ásirese aqyly joldarǵa qatysty ózekti másele», - dedi Prezıdent Úkimettiń keńeıtilgen otyrysynda.
Prezıdent osy máselege qatysty júk kólikteri ıeleriniń tarapynan týyndaǵan narazylyq týraly da oıyn aıtty.
«Buǵan jaqynda bolǵan júk kólikteri men tasymaldaýshylardyń narazylyǵy dálel. Aqyly joldardy engizý – bul búkilálemdik tájirıbege sáıkes keletin durys sheshim. Mundaı úlken elde tek bıýdjet esebinen ǵana jol salý múmkin emes. Sonymen qatar, Qazaqstan tranzıtten aqsha tabýǵa tıis. Biraq bul úshin mundaı joldardyń sapasy joǵary boýly jáne jol boıyndaǵy minsiz qyzmetti qamtamasyz etý mańyzdy. Bıznes pen azamattar jol ınfraqurylymynyń jańa sapasyn sezinýi kerek. Úkimetten bul máseleni erekshe baqylaýda ustaýdy suraımyn», - dedi Memleket basshysy.