Qasym han týraly fılmniń túsirilimi aıaqtaldy

NUR-SULTAN. QazAqparat - Almaty oblysynda Aqan Sataevtyń aýqymdy ári kópten kútken jobasy - «Uly dala tańy» fılminiń túsirilimi aıaqtaldy, dep habarlaıdy QazAqparat «Qazaqfılm» kınostýdııasyna silteme jasap.

«Dostar, biz «Uly dala tańy» túsirilimin aıaqtadyq. Bizdiń komandanyń ár qatysýshysyna osy tamasha kezeń úshin, baǵa jetpes tájirıbe úshin, eńbekterińiz ben kásipqoılyqtaryńyz úshin alǵys aıtqym keledi», - dep jazdy fılm rejısseri Aqan Sataev jelidegi paraqshasynda.
Qazaq memleketiniń qalyptasýy týraly tarıhı-patrıottyq fılm QR Mádenıet jáne sport mınıstrliginiń qoldaýymen túsirildi. Týyndydaǵy basty rólderdi Berik Aıtjanov, Danııar Orazaev, Erik Joljaqsynov jáne Aıdos Ábdiqadirov somdaıdy
Fılm 16 ǵasyrdaǵy Qazaq handyǵynyń bıleýshisi - Qasym hannyń jetistikteri týraly baıandaıdy.

Eske sala keteıik, maýsym aıynda QR Mádenıet jáne sport mınıstri Aqtoty Raıymqulova bastaǵan delegatsııa Almaty oblysy Qapshaǵaı qalasynyń mańynda ornalasqan tarıhı fılminiń túsirilim alańynda boldy.

Keıin «Qazaqfılm» kınostýdııasy Instagram paraqshasynda XVI ǵasyrdaǵy Qasym han áskeri men Shaıbanı jaýyngerleriniń aıqasy týraly kórinisti jarııalaǵan edi.