Kásipqoı boks: Janqosh Turarov qyrkúıek aıynyń sońynda jekpe-jek ótkizedi

<p>ASTANA. KAZINFORM &ndash; Qazaqstandyq kásipqoı boksshy Janqosh Turarov (28-0, 20 KO) qyrkúıek aıynyń sońynda sharshy alańǵa oralady.&nbsp;</p>

All Stars Boxing promoýterlik kompanııasynyń habarlaýynsha, Janqosh Turarov 28 qyrkúıek kúni Almatydaǵy boks keshinde óner kórsetip, IBO World jáne WBA Gold tıtýlyn qorǵaıdy. Otandasymyzdyń qarsylasy ázirge belgisiz.

Aıta keteıik, bul – Turarovtyń 2024 jyldaǵy alǵashqy jekpe-jegi. Boksshy ótken jyly eki aıqas ótkizip, IBO World Super Light tıtýlyn ıelengen bolatyn. 

Janqosh Turarov kásipqoı bokstaǵy mansabyn 2009 jyly bastady. Ol búginge deıin 28 jekpe-jek ótkizip, barlyǵynda jeńiske jetken. BoxRec portalyndaǵy málmetterge súıensek, Turarov sýper jeńil salmaqta álemdik reıtıngide 11-orynǵa jaıǵasqan.