Kásipqoı boks: Qazaqstandyq Angelına Lýkas álem chempıony tıtýlyna talasady

<p>ASTANA. KAZINFORM &ndash; Búgin, ıaǵnı 31 qańtarda qazaqstandyq kásipqoı boksshy qyz Angelına Lýkas álem chempıony ataǵy úshin pákstandyq Roma ıÝsafpen judyryqtasady.</p>

Jekpe-jek keshi Ázerbaıjan astanasy Bakýde ótedi. 26 jastaǵy Lýkas jekpe-jek aldynda salmaq ólsheý rásiminen sátti ótti.

Foto: www.instagram.com//angelina_lukas1997

Bul týraly boksshy óziniń áleýmettik jelidegi paraqshasynda jazdy.

«Salmaqty ólsheý protsedýrasy aıaqtaldy. Men salmaq tastaýda keremet jumys jasaı otyryp, degenime jettim! Erteń Ázerbaıjannyń astanasynda aty ańyzǵa aınalǵan álem chempıony tıtýly úshin úlken tartys ótedi. Meniń kásibı boks álemindegi basty maqsatym — álem chempıony bolý», - dep jazdy ol.

Sonymen qatar, Angelına Lýkas aldyna qoıǵan aýqymdy maqsattarymen bólisti. 

"Men óz elimizde óte talantty júzdegen boksshyny tanımyn, alaıda olar búgingi kúnde nemen aınalysarlaryn bilmeı, qol qýsyryp otyr. Keıbir boksshylar áýesqoı bokstan keıin óz ózderin tastap jiberip, kásibı bokspen aınalysýdyń jolyn tappaıdy.
Sol sebepti men promoýterlik kompanııasyn ashyp, olarǵa kásibı boksqa jol ashsam degen oıym bar!", - deıdi boksshy arý. 

Eske salaıyq, bul Angelına Lýkastyń kásibı bokstaǵy jetinshi jekpe-jegi. Buǵan deıingi alty kezdesýdiń beseýinde jeńiske jetip, sońǵy kezdesýde Chılı boksshysy Danıela Asenhodan jeńilip qaldy.