Kásipkerlerden para alǵan «Oil Construction Company» bas dırektorynyń orynbasary ustaldy

<p>Bıznes ókilderinen birneshe ret para alǵan &laquo;Oil Construction Company&raquo; bas dırektorynyń orynbasary ustaldy. Bul týraly Sybaılas jemqorlyqqa qarsy is-qımyl agenttiginiń resmı ókili Arman Tileýkenov málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Mańǵystaý oblysy boıynsha Sybaılas jemqorlyqqa qarsy qyzmet kvazımemlekettik sektor salasyndaǵy zańsyz baıýdyń jemqorlyq syzbasyn anyqtady. Júrgizilgen jedel tergeý is-sharalarynyń nátıjesinde «Oil Construction Company» JShS bas dırektory orynbasarynyń bıznes ókilderinen birneshe ret para alǵany áshkerelendi», - dedi ol.

Resmı ókildiń derginshe, kúdikti Mańǵystaý oblysy turǵyndaryn aýyz sýmen qamtamasyz etýge baǵyttalǵan «Kendirli» demalys aımaǵynda teńiz sýyn tuşytý zaýytyn salý» ınvestıtsııalyq jobasyn iske asyrý aıasynda aqshalaı qarajatty kedergisiz aýdarý úshin para alǵan.

«Kúdikti sot sanktsııasymen qamaýǵa alyndy. Sotqa deıingi tergeý jalǵasýda. Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy», - dedi Arman Tileýkenov.