Kásipkerlerdi 30 myń dollarǵa aldamaq bolǵan top múshesi Shvetsııadan ekstradıtsııalandy

<p>QR Bas prokýratýrasy kásipkerlerdi aldap, olardyń 30 myń dollaryn jymqyrmaq bolǵan alaıaqtar tobynyń múshesin Shvetsııadan elge ekstradıtsııalady, dep habarlaıdy Kazinform vedomstvonyń <a href="https://t.me/GenPr" target="_blank" rel="noopener">baspasóz</a> qyzmetine silteme jasap.</p>

Baspasóz qyzmetiniń málimetterine qaraǵanda, 2019 jyldyń tamyz aıynda Almatyda ózderin Ulttyq qaýipsizdik organdarynyń qyzmetkerlerimiz dep tanystyrǵan bir top adam kásipker isine tekserý júrgizip, qylmystyq jaýapqa tartamyz degen jeleýmen 30 myń AQSh dollary kólemindegi qarajatty jymqyrmaq bolǵan.

Olardyń áreketteriniń jolyn kesý kezinde, bireýi qylmystyq qýdalaý organdarynan jasyrynyp úlgergen, sondyqtan ol halyqaralyq izdeýge jarııalandy.

Keıinnen Qazaqstan tarapynyń ótinishi boıynsha ony Shvetsııa Koroldiginiń quqyq qorǵaý organdary Stokgolm qalasynda ustady.

QR Bas prokýratýrasy men ІІM Interpol qyzmetkerleri, Syrtqy ister mınıstrliginiń qoldaýymen kúdikti Qazaqstanǵa jetkizildi.

Qazirgi ýaqytta ol Astana qalasynyń tergeý ızolıatoryna qamaldy.

«Atalǵan qylmysty jasaǵany úshin osyǵan tektes qylmys jasaǵandar múlki tárkilenip, 5 jyldan 10 jylǵa deıin bas bostandyǵynan aıyrý jazasyna kesilýi múmkin»,-delingen QR Bas prokýratýranyń baspasóz qyzmeti taratqan aqparatta.