Kásipkerler bir jylda 7,3 trln teńge salyq tóledi — Gaýhar Bóribaeva

<p>ASTANA. KAZINFORM&nbsp;&mdash; Qazaqstandaǵy shaǵyn jáne orta bıznes kredıtiniń árbir úshinshisi memlekettik qoldaý sharalarymen qamtylǵan. Bul týraly &laquo;Jibek Joly&raquo; telearnasynyń &laquo;Ýáde&raquo; baǵdarlamasynda qonaq bolǵan atalǵan qordyń basqarma tóraǵasy Gaýhar Bóribaeva aıtty.</p>

 — Biz óz jumysymyzdy baǵalap, áleýmettik-ekonomıkalyq áser arqyly memlekettik baǵdarlamanyń tıimdiligin baıqap otyrmyz. Búginde qor 13,5 trln kredıttik portfeli bar shamamen 220 myń jobaǵa qoldaý kórsetti. Bıznes sýbektileri tólegen salyqtyń mólsheri 2023 jyldyń qorytyndysy boıynsha 7,3 trln teńgeni qurady. 2024 jyldyń kórsetkishi áli daıyn emes. Jyl saıynǵy salyqtardyń ortasha tólemi 1,5-ten 2 trln teńgege deıin jetedi. Shamamen 200 myń jumys orny qurylyp, 1,2 mln-ǵa jýyq jumys ornyn saqtaı aldy, — dedi Gaýhar Bóribaeva.

Sonymen qatar ol memlekettik qoldaýdyń aıasynda kásipkerlerimiz óndiretin ónimniń de úlken máni bar ekendigin aıtady. Búginde ol shamamen 130 trln teńgeni quraıdy.

 — Eger 2024 jyldyń 1 qazanyndaǵy derekterdi alar bolsaq, Qazaqstan boıynsha shaǵyn jáne orta bıznestiń kredıttik portfeliniń sommasy 8,4 trln teńge bolsa, tek «Damý» qory arqyly ǵana memlekettik qoldaý sharalarymen qamtý 30 paıyzǵa jetedi. Bul — 2,3 trln teńge. Qazaqstandaǵy shaǵyn jáne orta bıznes kredıtiniń árbir úshinshisi memlekettik qoldaý sharalarymen qamtylǵan, — dedi ol.

Buǵan deıin «Damý» qory transformatsııalanatyny týraly habarlaǵan edik.