Kásipker áıelderdiń 17 myńǵa jýyq jobasy 638 mlrd teńgege sýbsıdııalandy

<p>Búginde memleket bıznesti, onyń ishinde áıelder kásipkerligin damytý maqsatynda aýqymdy qoldaý sharalaryn qabyldap jatyr, dep habarlaıdy .<a href="https://kaz.inform.kz/news/mangistauda-turmistik-zorlikka-ushiragan-11-ayel-shugil-komek-korsetu-ortaligina-zhugngen-5b8dd2/Kazinform" target="_blank" rel="noopener">Kazinform</a>.</p>

Ulttyq ekonomıka vıtse-mınıstri Baýyrjan Omarbekov atap ótkendeı, kásipker áıelderdi qoldaý úshin qarjylyq jáne qarjylyq emes sharalar usynylady.

"2022 jyly jáne bıylǵy 10 aıdyń qorytyndysy boıynsha kásipker áıelderdiń 638 mlrd teńgege 17 myńǵa jýyq jobasy sýbsıdııalandy, 114 mlrd teńgege 13 myńǵa jýyq joba kepildendirildi. Osy kezeńde 147 myń keńes berildi", - dedi ol.

Sondaı-aq, elimizde áıelder kásipkerligin damytý boıynsha 20 ortalyq jumys isteıdi. Búgingi tańda 7 myńnan astam keńes berilip, túrli qyzmetter kórsetildi.

Óńirlerde «Bir aýyl - bir ónim» jobasy tabysty iske asyrylýda. Onyń maqsaty – jergilikti qoǵamdastyqtyń áleýetin damytý ári nyǵaıtý, sondaı-aq aýyl turǵyndarynyń ál-aýqatyn arttyrý. Qazirgi tańda joba naryqtyq áleýeti bar óńirlerdegi eń perspektıvaly taýarlardy anyqtaýǵa múmkindik týǵyzdy. Sonymen qatar, «Bıznestegi áıelder» baǵdarlamasy júzege asyrylýda.

Jalpy, «taza paraqtan» retteý saıasaty jáne jańa Salyq Kodeksi bıznesti júrgizý jaǵdaılaryn jaqsartýǵa, ákimshilik júktemeni azaıtýǵa baǵyttalǵan.