Kaspııge shamamen 17 mlrd tekshe metr sý jiberildi

<p>ASTANA. KAZINFORM &ndash; Jyl basynan beri Jaıyq ózeni arqyly Kaspıı teńizine 16,7 mıllıard tekshe metr sý jiberildi. Bul týraly Sý resýrstary jáne ırrıgatsııa mınıstrligi málim etti.</p>

Jaıyq ózeniniń ortasha kópjyldyq aǵyny 9,46 tekshe shaqyrymdy quraıtyn. Degenmen bıyl sý kólemi ortasha jyldyq normadan asyp tústi.

Aıta keteıik, ózen aǵyny Reseıdegi Irıklın sý qoımasynan jiberilgen sý kólemine baılanysty qalyptasady. 

«Jyl basynan beri Mınıstrlik ókilderi Reseı, Qytaı jáne Ortalyq Azııa elderinen kelgen áriptesterimen transshekaralyq ózender máseleleri boıynsha 28 kezdesý ótkizdi. Sý tasqyny kezeńinde sý kólemin retteý boıynsha kelissózder kúsheıtilgen rejımde júrgiziletin bolady», — dep atap ótti Sý resýrstary jáne ırrıgatsııa mınıstrliginiń resmı ókili Móldir Ábdýálıeva.

Buǵan deıin Kaspıı jaǵalaýynan 100-den asa ıtbalyqtyń óleksesi tabylǵany belgili boldy.