Kaspııge shamamen 1 mlrd tekshe metr tasqyn sý jiberildi – mınıstrlik

<p>ASTANA. KAZINFORM &ndash; Elimizde tasqyn sýdy ózen, kól jáne sý qoımalaryna jiberý jumystary jalǵasyp jatyr. Tolyǵyraq Sý resýrstary jáne ırrıgatsııa mınıstrliginiń resmı ókili Móldir Ábdýalıeva aıtyp berdi.</p>

«Kaspıı teńizine shamamen 1 mlrd tekshe metr tasqyn sý jiberildi. Ol úshin Atyraý oblysynyń «Qazsýshar» mekemesiniń fılıaly 4 arna (Baqsaı, Naryn, Chernaıa rechka, Sokolok) paıdalanady. Bul arnalar táýligine 12 mıllıon tekshe metrge deıin sý ótkize alady. Olardyń árqaısysynda «Qazsýshar» mamandary tazartý, nyǵaıtý jáne basqa da jumystar júrgizdi. Mysaly, Sokolok kanalynyń boıynda uzyndyǵy 14,5 shaqyrym qosymsha arna qazyldy, ol arqyly tasqyn sý Kaspııge jiberiledi», - dedi Móldir Ábdýalıeva OKQ-de ótken brıfıngide. 

Odan bólek, mamandar Balqash kóline de sý jiberý jumysyn jalǵastyrýda. Kólge Qapshaǵaı sý qoımasynan shamamen 2,5 mlrd tekshe metr sý quıylǵan. 

Sondaı-aq, brıfıngte aıtylǵandaı vedomstvo Reseıden kelgen 30 mln tekshe metr sýdy Batys Qazaqstan oblysynyń Qamys-Samar kólderine de jiberip jatyr. Atalǵan kólder júıesine sońǵy 20 jylda sý barmaǵan. 

«Sońǵy jyldary keýip qalǵan Batys Qazaqstan oblysynyń Edilsor, Jaltyrkól, Birqazan, Sorkól, Saltanat jáne basqa da sý aıdyndaryna sý jiberý jumystary bastaldy. Sonymen qatar, Ulytaý oblysynan Qyzylorda oblysynyń kólderine, atap aıtqanda Telikól kólder júıesine sý jiberiledi», - deıdi ol.