Kaspııdiń sý bıologııalyq resýrstaryn saqtaýǵa baǵyttalǵan kelisimdi ratıfıkatsııalaý týraly zań qabyldandy
Aýyl sharýashylyǵy mınıstri Asyljan Mamytbekovtyń aıtýynsha, 2010 jyly Baký qalasynda ótken Kaspıı jaǵalaýy Memleket basshylarynyń úshinshi sammıtiniń qorytyndysy boıynsha Úkimetaralyq deńgeıde qol qoıý týraly tapsyrma júktelgen.
«Úshinshi sammıt barysynda Elbasy N.Nazarbaev Kaspıı teńizinde bekire balyqtarynyń túrlerin aýlaýǵa bes jyl merzimge moratorıı engizýge bastamashylyq jasap, ol bastama Kaspıı jaǵalaýy elderi basshylarynyń qoldaýyn tapty. Kórsetilgen tapsyrmalardy júzege asyrý maqsatynda 2014 jylǵy 25 qyrkúıekte Astrahan qalasynda ótken tórtinshi Kaspıı sammıtinde atalǵan qujatqa qol qoıyldy»,-dedi mınıstr Asyljan Mamytbekov. Onyń aıtýynsha, kelisimniń maqsaty - Kaspıı teńiziniń sý bıologııalyq resýrstaryn saqtaý jáne utymdy paıdalaný. Osyǵan oraı, qujatta taraptardyń yntymaqtastyq jasaýda ustanatyn qaǵıdattary aıqyndalyp otyr.