Kaspııdegi qasqyrlar Qashaǵan ken ornyna keldi

ATYRAÝ. QazAqparat - Atyraýda bir úıir qasqyr Qashaǵan ken ornyndaǵy jasandy aralǵa kelgen. Osyǵan qatysty vıdeo áleýmettik jelide kóp qaralýda, dep habarlaıdy «QazAqparat» HAA tilshisi.  

Vıdeonyń túsirgen munaıshy qasqyrlardyń jasandy «A» aralyna kelgendigin aıtýda. Qasqyrlardyń sany jeteý. Pikir aıtýshynyń sózine qaraǵanda, jyrtqyshtardy kemelerdiń birinen shyqqan tamaqtyń ıisi tartqan. Ǵımarattardyń birine jaqyn kelgen qasqyrlar keri qaıtyp, muzy jańa qatqan ótkeldiń ústimen ótedi.