Kaspııde ustalǵan brakonerlerden tárkilengen balyqtardyń quny 191 mln teńgege jýyq

Eske sala ketsek, 28 jeltoqsanda Qazaqstan Respýblıkasynyń aýmaqtyq sýlarynda QR UQK ShQ Jaǵalaý kúzeti basqarmasynyń shekara kemesiniń jaýyngerlik kezekshiligi barysynda (Adamtash múıisinen batysqa qaraı 10 mıl shamasynda) «Baıda» shaǵyn qaıyq anyqtalyp, shekarashylar olardyń sońyna túsken.

Shaǵyn qaıyqty toqtatý maqsatynda «QR Memlekettik shekarasy týraly» zańyna qarý qoldanyldy. Qaıyqtaǵylardyń bireýiniń oń jaq ıyǵynan janama jaraqat alyp, oǵan medıtsınalyq kómek kórsetildi.

Budan buryn, 29 jeltoqsanda 00 saǵat 10 mınýtta shaǵyn qaıyq ustalǵandyǵy, kemede 4 adam bolǵandyǵy habarlanǵan bolatyn. Sondaı-aq Ázerbaıjan Respýblıkasynyń azamattarynyń sózine qaraǵanda, 40 asyl tuqymdy balyq, 10 jáshik brakonerlik balyq aýlaý jáne spýtnıktik baılanys jáne navıgatsııa quraly tárkilengendigi aıtylǵan edi.

«Endi ustalǵan shaǵyn qaıyq tekserý jáne borttaǵy júkterdi sanaý barysynda balyqtyń sany burynǵy jiberilgen málimetten ózgeshe ekendigi belgili bolyp otyr. Balyq 198 dana, jalpy salmaǵy - 793,8 kg. Ustalǵan júktiń baǵalanǵan quny - 190  928  140 teńge ekendigi anyqtaldy», - dep habarlaıdy QR UQK ShQ baspasóz qyzmeti.