Kaspııde brakonerlerdiń aýyna túsip qalǵan ıtbalyqtar qutqaryldy

AQTAÝ. QazAqparat - Mańǵystaýlyq ınspektorlar brakonerlerdiń aýyna túsip qalǵan ıtbalyqtardy qutqardy, dep habarlaıdy QazAqparat QR AShM Orman sharýashylyǵy jáne janýarlar álemi komıtetiniń baspasóz qyzmetine silteme jasap.

«7-8 qarashada Mańǵystaý oblystyq orman sharýashylyǵy jáne janýarlar dúnıesi aýmaqtyq ınspektsııasynyń memlekettik ınspektorlary Kaspıı teńiziniń akvatorııasyndaǵy Mańǵyshlaq arhıpelagynyń araldarynda reıdtik sharalar ótkizdi», - delingen komıtettiń Feısbýktegi paraqshasynda.

Nátıjesinde uzyndyǵy 300 metrdan astam aý tabylyp, olardyń birinen 2 ıtbalyq qutqarylyp, qaıta teńizge jiberildi. Sonymen qatar 14 bekire tuqymdas balyq qutqaryldy.