Kaspıı jaǵalaýyndaǵy qamys órtin sóndirýge tikushaq tartyldy

ATYRAÝ. QazAqparat – Atyraý oblysynda Kaspıı teńiziniń Qurmanǵazy aýdanyndaǵy jaǵalaýynda janǵan qamys órtin sóndirýge tikushaq tartyldy, dep habarlaıdy QazAqparat.

Buǵan deıin Atyraý oblysynda Kaspıı jaǵalaýyndaǵy batpaqta qamys janyp jatqanyn jazǵan bolatynbyz.

Búgin, 7 qazanda Kaspıı teńiziniń Qurmanǵazy aýdanyndaǵy jaǵalaýynda janyp jatqan qamys órtin sóndirý úshin sý shashatyn qurylǵysy bar «Mı-8 VSÝ-5» tikushaǵy jiberildi.

Ekıpaj quramynda 3 adam bar.

«Sondaı-aq, Qurmanǵazy aýdanyndaǵy Maqash, Teńiz aýyldyq okrýgteri aýmaǵyndaǵy órtti sóndirýge oblystyq tótenshe jaǵdaılar departamentiniń 18 qyzmetkeri men Qurmanǵazy aýdandyq bóliminen qutqarýshylar jumyldyryldy», - dep habarlady oblystyq tótenshe jaǵdaılar departamentiniń baspasóz qyzmeti.