Kaspıı jaǵalaýyndaǵy qamys órti sóndirildi
21:17, 06 Qyrkúıek 2020
ATYRAÝ. QazAqparat - Atyraý oblysynda Kaspıı teńizi jaǵalaýynda janyp jatqan qamys arasyndaǵy órt sóndirildi, dep habarlaıdy QazAqparat TJK baspasóz qyzmetine silteme jasap.
«Búgin 6 qyrkúıekte saǵat 17.21-de Atyraý oblysynda órtke oranǵan qamys pen qýraǵan shóptiń janýy joıyldy. Eske sala ketsek, Atyraý qalasynan 30 shaqyrym qashyqtyqta Kaspıı teńiziniń jaǵalaýynda qamys janyp jatqan bolatyn. Qamys bıik ári batpaqty bolǵandyqtan órtti sóndirýi qıynǵa soqty. Onda órt sóndiretin arnaıy tehnıka jete almady», delingen habarlamada.
Onda Shymkent qalasynan ushyp jetken «Qazavıaqutqarý» AQ-nyń MI-17 tikushaǵy órt oshaqtaryna 3 tonnadan 10 ret sý shashty.
Sonymen qatar jaǵdaıǵa monıtorıng júrgizý maqsatynda «Qazavıaqutqarý» AQ «Evrokopter145» tikushaǵymen janý aýmaǵyn áýeden baqylady.
Órtti sóndirýge Atyraý oblysy TJD, «Qazavıaqutqarý» AQ, Orman sharýashylyǵynan, jergilikti atqarýshy organdardan 93 adam, 23 tehnıka jáne 2 tikushaq jumyldyryldy.