Kaspıı jaǵalaýynda oqýshylarǵa arnalǵan lager shatyrlary tigildi

AQTAÝ. QazAqparat – Mańǵystaýlyq balalar jazǵy demalystaryn teńiz jaǵalaýynda qurylǵan týrıstik shatyrly lagerlerde ótkizip jatyr, dep habarlaıdy QazAqparat tilshisi.

«Balalar jyly» aıasynda Mańǵystaýda alǵash ret týrıstik-shatyrly lager ashyp otyrmyz. Demalys kezinde balalardyń bos ýaqytyn tıimdi uıymdastyrý maqsatynda josparlandy. Alǵashqy aýysym Quryq teńizi jaǵalaýynda ótip jatyr. Shatyrly lagerge Beıneý, Túpqaraǵan aýdandarynan 60 bala keldi. Olar úsh kún boıy órtke qarsy saqtyq sharalaryn, tabıǵatty qorǵaý, kartamen jumys isteý, kedergilermen shatyr ornatý, ot jaǵý, birinshi dárejeli kómek kórsetý, tótenshe jaǵdaılarda óz-ózine qyzmet kórsetý daǵdylaryn ıgeredi. Sondaı-aq, túrli tanymdyq sharalar ótkiziledi», - deıdi oblystyq balalar men jasóspirimder týrızmi ortalyǵynyń dırektory Aıajan Temirlanova.

Teńiz jaǵasyndaǵy lagerde 6 shatyr tigilgen. Tórteýi – balalardyń jatyn orny, qalǵan ekeýi – ashana, shtab, medpýnkt pen demalys bólemesi. Sondaı-aq, munda sahna men bı, fýtbol, voleıbol alańshalary, dýsh kabınalary bar.

Týrıstik shatyrly lagerlerde jaz aılarynda mańǵystaýlyq 13-15 jas aralyǵyndaǵy 300 bala demalady.

Al, budan keıingi shatyrlar Ushtaǵan, Taýshyq, Aqmysh aýyldyq saıabaǵy, Aqespe taýynda tigilmek.