Kaspıı jaǵalaýynan taǵy da ıtbalyqtardyń óleksesi tabyldy
14:19, 19 Mamyr 2022
AQTAÝ. QazAqparat – Itbalyqtardyń qyrylý sebepteri anyqtalyp jatyr, dep habarlaıdy QazAqparat tilshisi.
Itbalyqtardyń eki óleksesin Túpqaraǵan aýdany Fort-Shevchenko qalasynyń jaǵalaýynda jergilikti turǵyn taýyp alǵan. Aýdan ákimdigi habarlaǵandaı, qazirgi ýaqytta óli ıtbalyqtardy jınaý jáne kádege jaratý jumystary júrip jatyr.
Buǵan deıin Kaspıı teńiziniń Mańǵystaý bóliginen 94 ıtbalyqtyń óleksesi tabylǵany habarlanǵan bolatyn.
Keıinnen taǵy 64 ıtbalyqtyń óleksesi men bes bekire tuqymdas balyq tabylǵan edi.