Kaspıı jaǵalaýynan 25 ıtbalyqtyń óleksesi tabyldy

<p>Ekologııa jáne tabıǵı resýrstar mınıstrligine qarasty balyq sharýashylyǵy komıteti Kaspıı teńizi jaǵalaýynda qyrylǵan ıtbalyq pen bekire balyǵyna qatysty <a href="https://www.facebook.com/100064052444577/posts/pfbid0gfkNpZEfUi6ATRQXgmogZpka54zGNwy2WgJ1gJmzjXFyaQFd8WUkPg3t9PaBffYHl/?d=w&amp;mibextid=I6gGtw" target="_blank" rel="noopener">málimdeme</a> jasady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.&nbsp;</p>

15 qazanda Jaıyq-Kaspıı oblysaralyq basseındik balyq sharýashylyǵy ınspektsııasynyń Mańǵystaý oblysy boıynsha balyq ınspektsııasy basqarmasy qyzmetkerleri Kaspıı teńiziniń jaǵalaýyna monıtorıng júrgizgen.

Onyń barysynda, shamamen 10.40 kezinde Túpqaraǵan aýdany Baýtıno aýylynyń mańynan 25 óli ıtbalyq ushasy men 33 bekire tuqymdas balyq tabylǵan. 

Foto: Balyq sharýashylyǵy komıteti

Aıta ketý kerek, tabylǵan teńiz janýarlary men balyq óleksesi ártúrli dárejede ydyraǵan, bul olardyń ólimi ár ýaqytta bolǵanyn kórsetedi.

Qoldanystaǵy ózara is-qımyl shemasy boıynsha bul fakt jumys tobynyń búkil múshelerine habarlandy.

Foto: Balyq sharýashylyǵy komıteti

Itbalyq tabylǵan jerdegi jumys tobyn Jaıyq-Kaspıı oblysaralyq balyq sharýashylyǵy basseındik ınspektsııasy basshysynyń orynbasary basqarady. 

Qazirgi ýaqytta olar jumys tobynyń qalǵan múshelerin kútip otyr. Olar sý, aýa, topyraq synamasyn alýǵa, múmkin bolsa, óli janýarlar men balyqtardyń tininen synama alýǵa keledi.

«Sırek kezdesetin jáne quryp ketý qaýpi tóngen janýar túriniń joıylý deregi boıynsha qylmystyq is qozǵaldy. Qosymsha aqparat túsýine qaraı usynylady» dep málimdedi mınıstrlikten.

Aıta keteıik, jyl basyndaǵy qysqy sanaq boıynsha ıtbalyqtardyń jalpy sany — 259 872 (Kaspıı teńiziniń qazaqstandyq sektorynda — 240 168, reseılik sektorda — 19 704).

Foto: Balyq sharýashylyǵy komıteti