Kaspıı jaǵalaýynan 100-den asa ıtbalyqtyń óleksesi tabyldy

<p>ASTANA. KAZINFORM &ndash; Kaspıı jaǵalaýynan jappaı qyrylǵan ıtbalyq ólekseleri tabyldy. Bul týraly Aýyl sharýashylyǵy mınıstrliginiń baspasóz qyzmeti habarlady.</p>

Itbalyqtardyń jappaı qyrylǵany týraly mańǵystaýlyq belsendi Azamat Sársenbaev jelidegi paraqshasynda jazba qaldyrdy.

Onyń aıtýynsha, Qyzyl kitapqa engizilgen 100-den astam ıtbalyqtyń óleksesin teńiz daýyly jaǵalaýǵa shyǵaryp tastaǵan.

Teńiz janýarlarynyń jappaı qyrylý sebebin Aýyl sharýashylyǵy mınıstrliginen suraǵan edik.

«24 qazanda Jaıyq-Kaspıı oblysaralyq basseıni balyq sharýashylyǵy ınspektsııasynyń qyzmetkerleri Túpqaraǵan aýdanynda Kaspıı teńiziniń jaǵalaýyna monıtorıng júrgizý barysynda ıtbalyqtardyń óleksesin tapty. Ol jerge ınspektsııa, jergilikti atqarýshy organdar, gıdrobıologııa jáne ekologııa ınstıtýty, «Qazaq balyk» respýblıkalyq balyq sharýashylyǵy jáne akva-mádenıet qaýymdastyǵy fılıalynyń ókilderi jedel jetti. Itbalyqtardyń qyrylýynyń sebebi tıisti zerthanalyq zertteýlerden keıin belgili bolady», - dedi vedomstvodan.

Mınıstrliktiń málimetine sáıkes, Kaspıı jaǵalaýynan 151 ıtbalyq óleksesi tabyldy, sonymen qatar teńizi jaǵalaýy aýmaǵyn monıtorıngi júrgizý jalǵasyp jatyr.

Aıta ketsek, bul birinshi jaǵdaı emes, bıyl sáýirde Kaspıı jaǵalaýynan seksenge jýyq ıtbalyqtyń óleksesi tabyldy.

Sondaı-aq ekolog ıtbalyqtar naqty qadaǵalaýdyń joqtyǵynan qyrylyp jatqanyn aıtqan edi.