Kaspıı teńiziniń jaǵalaýynan balyqtyń 1,3 tonna óleksesi jınaldy
Jaıyq-Kaspıı oblysaralyq balyq sharýashylyǵy basseındik ınspektsııasy baspasóz qyzmetiniń málimetinshe, balyq Kaspıı teńiziniń soltústik-shyǵys jaǵalaýynda qyrylǵan.
«Isataı aýdanynda «Sevrıýjıa kosa» ýchaskesinde balyqtyń qyrylý deregine baılanysty jergilikti atqarýshy organ, oblystyq ekologııa departamenti, balyq sharýashylyǵy ǵylymı mekemesi, veterınarııalyq qyzmet, polıtsııa departamenti men tabıǵat qorǵaý prokýratýrasynyń ókilderinen arnaıy jumys toby quryldy. Tekserý kezinde 18 qyrkúıekte kefal balyǵynyń qyrylý deregi tirkeldi. Oblystyq ekologııa departamentiniń mamandary zerthanalyq taldaý júrgizý úshin balyq qyrylǵan aýmaqtaǵy topyraqtan synama aldy. Al, qyrylǵan balyqtyń óleksesinen synama alý múmkin bolmady. Teńiz jaǵalaýynan balyqtyń 1 tonna 380 keli óleksesi jınap alyndy», -dep habarlady ınspektsııanyń baspasóz qyzmeti.
Inspektorlardyń aıtýynsha, balyqtyń qyrylýyna Kaspıı teńizi sýynyń kerý qaıtýy sebep bolǵan. Teńizdiń sýy qýma jeldiń saldarynan keri qaıtqan.
«Bul – tabıǵı qubylys. Biraq, birinshi ret emes. Mundaı jaıt byltyrǵy qyrkúıekte baıqaldy. Kaspıı teńiziniń sýy jaǵalaýdan 5-25 shaqyrymǵa deıin alystaǵany baıqaldy», -dep málim etti ınspektsııadan.
Eske sala ketelik, budan buryn Atyraý mańyndaǵy kanaldan balyq óleksesi tabylyp, tekserý júrip jatqanyn https://kaz.inform.kz/news/atyrau-manyndagy-kanaldan-balyk-oleksesi-tabylyp-tekseru-zhurip-zhatyr_a4098135/ habarlaǵan edik.