Kaspıı teńizindegi «Qashaǵan» ken ornynda munaı tógildi me

<p>ATYRAÝ. KAZINFORM &ndash; Kaspıı teńiziniń qazaqstandyq sektoryndaǵy &laquo;Qashaǵan&raquo; ken ornynyń aýmaǵynda munaıǵa uqsas daq baıqalǵan.&nbsp;</p>

Atyraýdaǵy «Globýs» ekologııalyq-quqyqtyq bastamalar ortalyǵynyń tóraıymy Galına Chernovanyń aqparatyna qaraǵanda, Kaspıı teńizinde munaıdyń tógilgeni anyqtalǵan.

Ol bul derekti eýropalyq Sentinel-1A spýtnıginiń 30 naýryzdaǵy radarlyq sýretine súıenip, áleýmettik jelidegi paraqshasyna júktedi.

Foto: Galına Chernova

«Osy ǵaryshtyq monıtorıngti júzege asyratyn toptyń aıtýynsha, radarlyq sýrette qazaqstandyq ýchaskedegi «Qashaǵan» ken orny mańynda munaıdyń tógilgeni beınelengen. Onyń mynadaı sebepteri bolýy múmkin. Birinshiden, óndirý kezinde munaıdyń kezdeısoq nemese apatty jaǵdaıda tógilýi, ekinshiden, saqtaý jáne kádege jaratý úshin qurlyqqa tasymaldanýy tıis munaı ónimderi bar ónerkásiptik sýdyń aǵýy, úshinshiden, kemelerde tótenshe jaǵdaı bolýy múmkin», - deıdi Galına Chernova. 

Onyń málimetine súıensek, munaı tógildi delingen aýmaq – shamamen 7 sharshy metr.

Eske sala ketelik, budan buryn «Qashaǵannan» munaı óndiretin NCOC kompanııasy 12,4 mlrd teńge aıyppul tólegenin jazǵan bolatynbyz.