Kaspıı teńizinde jasandy araldar paıda bolýy múmkin

<p>ATYRAÝ. KAZINFORM &ndash; Kaspıı teńiziniń Ázerbaıjan Respýblıkasynyń aýmaǵyndaǵy bóliginde jasandy araldar salynýy múmkin.&nbsp;</p>

«Vestnık Kavkaza» portalynyń habarlaýynsha, el Parlamenti Kaspıı teńizinde jasandy aýmaqtar qurý týraly zań jobasyn úshinshi oqylymda maquldaǵan.

Zańǵa sáıkes jańa araldar qurylady. Tipti, burynnan bar aýmaqtardy ulǵaıtý kózdeletini joqqa shyǵarylmaıdy.

«Ázerbaıjan Respýblıkasy Kaspıı teńizinde jasandy jer telimderin salýdy josparlap otyr. El parlamenti «Kaspıı teńiziniń (kóldiń) Ázerbaıjan Respýblıkasyna tıesili bóliginde jasandy jer telimderin qurý týraly» zań jobasyn úshinshi oqylymda qabyldady. Jasandy aýmaqtar jaǵalaý beldeýin keńeıtýi nemese teńizdegi jeke araldarǵa aınalýy múmkin», - dep jazdy «Vestnık Kavkaza».

Kaspıı jaǵalaýyndaǵy bul el shamamen on jyldaı buryn «Hazar araldary» jobasy boıynsha jumysty qolǵa alǵan. Alaıda, atalǵan joba toqtap qalǵan. Bul joba sátti júzege asyrylsa, týrısterdi qyzyqtyratyn jańa orynǵa aınalýy múmkin edi.

Eske sala ketelik, budan buryn Qazaqstan, Ózbekstan jáne Ázerbaıjan birlesip, Kaspıı túbimen kabel tartatyny habarlanǵan edi.