Kaspıı teńizin zertteıtin ınstıtýtty qurý jumysy qalaı júrip jatyr

<p>Bıyl Kaspıı teńizin zertteıtin ǵylymı-zertteý ınstıtýty qurylady. Bul týraly Sý resýrstary jáne ırrıgatsııa mınıstri Nurjan Nurjigitov aıtty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Ortalyq kommýnıkatsııalar qyzmetindegi baspasóz máslıhatynda BAQ ókilderi mınıstrden: «Sońǵy kezde halyq Kaspıı teńiziniń ahýalyna alańdaýshylyq bildirip jatyr. Sońǵy 13 jylda teńizdiń soltústik bóligindegi sý deńgeıi 1,5 metr tómendep, jaǵalaý 25 sharshy shaqyrymǵa tartylǵan. Qandaı sharalar qabyldanyp jatyr?»  dep suraǵan edi.

Nurjan Nurjigitov búgingi kúni osyndaı problemanyń bar ekenin jasyrǵan joq.

«Sol problemalardy sheshý úshin qazirgi ýaqytta mınıstrlik Kaspıı teńizin zertteıtin ǵylymı-zertteý ınstıtýtyn qurý jumysyn atqaryp jatyr. Búginde qaýly jobasy ázirlendi. Tıisti organdarmen kelisilip jatyr. Bıyl sol ınstıtýtty quramyz. Negizgi jumysy – problemalardy zertteý, shekaralas memlekettermen naqty sheshimder qabyldaý», - dep jaýap berdi mınıstr.

Eske sala keteıik, buǵan deıin Kaspıı sýynyń tartylýy men ıtbalyqtyń qyrylý sebebin zertteıtin ınstıtýt ashylatynyn habarlaǵan edik.