Kaspıı teńiziniń jaǵalaýynda 2 serfer qutqaryldy
12:11, 08 Shilde 2023
FORT-ShEVChENKO. QazAqparat – Kaspıı teńiziniń, naqtyraq aıtqanda Fort-Shevchenko qalasynyń aýmaǵynda Mańǵystaý oblysy TJD Jedel-qutqarý jasaǵynyń qutqarýshylary eki serferdi qutqardy, dep habarlaıdy QazAqparat.
Oqıǵa 7 shilde kúni saǵat 23.45-te bolǵan. 1992 jáne 1994 jyly týǵan azamattar ashyq teńizge serfıng taqtasymen shyqqan. Alaıda aýa raıynyń kúrt ózgerýine baılanysty serferler jaǵadan 800 metrden astam qashyqtyqqa yǵyp ketti.
Odan bólek serferler qutqarý keýdeshelerimen qamtamasyz etilmegen.
«Qutqarýshylardyń jedel is-qımyldarynyń nátıjesinde serferler jaǵaǵa aman-esen jetkizildi», - delingen TJM habarlamasynda.