Kaspıı teńiziniń quqyqtyq mártebesi týraly konventsııany ázirleý jónindegi jumys tobynyń otyrysy ótti
«Kelissózderge Ázerbaıjan Respýblıkasynyń (basshysy H.A. Halafov), Iran Islam Respýblıkasynyń (basshysy E. Rahımpýr), Qazaqstan Respýblıkasynyń (basshysy Z.A. Amanjolova), Reseı Federatsııasynyń (basshysy I.B. Bratchıkov) jáne Túrkimenstan Respýblıkasynyń (basshysy M.G. Atadjanov) delegatsııalary qatysty. QR Syrtqy ister mınıstrliginiń Erekshe tapsyrmalar jónindegi elshisi Z.Amanjolova otyrysqa tóraǵalyq etti», delingen baspasóz baıanynda.
Jıynnyń ashylý barysynda QR Syrtqy ister mınıstri Erlan Ydyrysov quttyqtaý sóz sóıledi. Onda mınıstr Kaspıı mańy memleketteriniń Syrtqy ister mınıstrleri keńesiniń qarsańynda ótip jatqan astanalyq otyrystyń mańyzdylyǵyn, sondaı-aq Qazaqstan Respýblıkasynda josparlanǵan Besinshi Kaspıı sammıti barysynda qol qoıý úshin Kaspıı teńiziniń quqyqtyq mártebesi týraly konventsııany túbegeıli kelisýge tolyq tolyq kúsh-jigerin salý qajettiligin atap ótti.
Jıynnyń basty taqyryby Kaspıı teńiziniń quqyqtyq mártebesi týraly konventsııa jobasynyń kelisilmegen erejeleri boıynsha ortaq amal-tásilder men tujyrymdamalardy ázirleý jáne Kaspıı mańy memleketteriniń Syrtqy ister mınıstrleri keńesine daıyndyq boldy.
Delegatsııalar kelissózder qorytyndysyna oń baǵa berip, kezdesýdi joǵary deńgeıde uıymdastyrǵany úshin Qazaqstan Respýblıkasyna alǵys aıtty. Arnaıy jumys toptyń kelesi otyrysy Iran Islam Respýblıkasynda ótedi. Onyń ótý merzimi dıplomatııalyq arnalar arqyly kelisiletin bolady.